Fréttir af Liðsmönnum Jerico 

Kærleiksstund með ljúfum tónum í þágu eineltisþolenda og
aðstandenda þeirra.

                                                          

Í tilefni eins árs afmælis Liðsmanna Jerico, samtaka foreldra eineltisbarna og uppkominna þolenda verður haldin minningar- og bænastund til eineltsforvarna í Bústaðarkirkju þriðjudaginn 6. október kl. 20:00 – 21:30.
Að lokinni athöfn í kirkjunni verður gengið út fyrir og blöðrum sleppt til minningar um þá sem eineltið hefur veikt og fellt. Marglitar blöðrur og við þær getur fólk bundið orðsendingu, bænir, óskir og þrár og sleppt þeim til himins. Miðar og pennar afhentir við innganginn.

Dagskrá kærleiksstundarinnar:
Sr. Pálmi Matthíasson stýrir kærleiksstundinni og flytur blessunarorð. 

Ingibjörg Baldursdóttir býður gesti velkomna.

Ögmundur Jónasson fyrrverandi heilbrigðisráðherra flytur ávarp.

Helga Margrét Guðmundsdóttir foreldraráðgjafi hjá Heimili og skóla, Liðsmaður Jerico flytur hugvekju.

Karolína S. Sigurðardóttir, uppkominn þolandi segir frá reynslu sinni.

Jakob Einar Jakobsson, Liðsmaður Jerico segir frá hringferð sinni og tilkomu hennar.

Magnús Þór Sigmundsson, Páll Rósinkrans og Óskar Einarsson flytja 3 lög af nýjum væntanlegum diski Magnúsar Þórs.

Minnum á jólakortasöluna okkar 10 stk. 1.000 kr

                                              

Jakob Einar Jakobsson hjólaði hringinn í kringum landið SAMTALS: 1374 km.

Með honum fór faðir hans Jakob akandi og passaði upp á hann. Ferðin hófst við Jómfrúna 31. ágúst og lauk við Jómfrúna 8. September 2009. Ferðalagið hafði hann áætlað að tæki hann um 9 daga.

Hann hefur lengi gengið með þann draum að hjóla hringinn í kringum landið. Í vor ákvað hann að láta verða af þessu, ásamt vini sínum. En í sumar hefur verið mikil óvissa varðandi þennan hjólatúr þar sem vinurinn hefur verið meiddur af og til, og þurfti í síðustu viku að blása túrinn af.

Jakob var að vonum vonsvikinn, en eftir miklar pælingar ákvað hann að drífa sig einsamall, en þó með fylgdarbíl. Þetta ákvað hann 26. ágúst. Hann fékk ábendingar um að það væri sniðugt að gera þetta í nafni samtaka og datt Liðsmenn Jerico strax í hug.

Feðgarnir fengu konunglegar móttökur í Mývatnssveit í Selinu Hótel Mývatnssveit hjá Ragnari Kristjánssyni og fjölskyldu.Á Hallormsstað, þar tóku Þráinn, þurý og Kristján Stefán á móti þeim með veislu og gistingu og á Hornafirði buðu heiðurshjónin og Liðsmennirnir Kristín Óladóttir og Ingólfur Einarsson eigendur Kaffihornsins þeim feðgum til veislu.

Þessi hugmynd Jakobs Einars er hreinasta snilld. Krafturinn og dugnaðurinn í honum snert fólk djúpt.
Hann bara getur ekki verið á betri tíma með áminningu um vakningu í eineltismálum, um alvarlegar afleiðingar eineltis og Liðsmenn Jerico en núna.

Jakob Einar og hans fjölskylda er að opna umræðuna á jákvæðan og hvetjandi hátt.

Nú hjólar Jakob Einar hraustur og hress og hjálpar okkur að snúa við blaðinu.
Einelti er ekki einkamál gerandans og þolandans – Það kemur okkur öllum við – Við berum öll ábyrgð.

Þúsund þakkir til hans og ykkar.