Póstlisti
Skráđu netfangiđ ţitt og fáđu tilkynningar sendar í tölvupósti
Nafn
Afskrá

Styrktaraðilar, Liðsmenn Jerico

Allra Átta vefsíðufyrirtæki styrkir þessa vefsíðu. www.8.is

Leit.is styrkir Liðsmenn Jerico. www.leit.is

Jómfrúin.is styrkir Liðsmenn Jerico. www.jomfruin.is

IOGT styrkir Liðsmenn Jerico. www.iogt.is

DalPay styrkir Liðsmenn Jerico. www.dalpay.com

Grunnskólinn Þelamörk.
(áheitahlaup)

Starfsmannfélag Kaupþings.
(við Hlemm)

Jakob Einar Jakobsson.
(hjólaði hringveginn)

Merkjalist.
(www.merkjalist.is)

Bústaðarkirkja.
(www.kirkja.is)

Aðgerðir gegn einelti


Svæðisskrifstofur málefna fatlaðra á Reykjanesi (SMFR) og í Reykjavík (SSR) mótuðu á árinu 2007 stefnu gegn einelti á starfsstöðvum sínum og byrjuðu að móta verklagsreglu um viðbrögð við einelti. Þessi vinna hófst í kjölfar niðurstaðna könnunar á starfsumhverfi ríkisstarfsmanna sem fram fór árin 2006 og 2007. Niðurstöður hennar leiddu meðal annars í ljós að 17% ríkisstarfsmanna töldu sig hafa orðið fyrir einelti, þar af 10% oftar en einu sinni. Meðal starfsmanna SMFR og SSR var hlutfallið 7-8%.


Á fyrrihluta ársins 2008 var gerð könnun á vegum fjármálaráðuneytisins til að meta tíðni eineltis innan ríkisstofnana. Tilgangur hennar var að meta árangur fræðslu um einelti, auk þess sem spurt var með nákvæmari hætti en gert var í áðurnefndri könnun frá 2006 og 2007 um tildrög og birtingarmyndir eineltis.
Á árinu 2008 hófu teymi gegn einelti hjá SMFR og SSR samstarf og unnu sameiginlega fræðsluefni á glæruformi þar sem með hverri glæru fylgir ítarlegur texti. Fræðsluefnið var kynnt fyrir öllum stjórnendum stofnananna í október 2008 og er öllum forstöðumönnum starfsstöðva gert að kynna efnið fyrir starfsfólki sínu. Samhliða þessu voru útbúin lítil spjöld sem dreift var til allra starfsmanna og allra starfsstöðva SMFR og SSR.

Á spjöldunum stendur “Einelti Nei takk” og “Einelti, áreitni og niðurlægjandi framkoma er með öllu óviðunandi og alls ekki liðin á vinnurstöðum SMFR og SSR”. Til þess að tryggja enn frekar að starfsmenn væru upplýstir um aðgerðir gegn einelti var í janúar 2009 sent dreifibréf til allra starfsmanna SMFR og SSR þar sem stefna stofnananna gegn einelti ásamt fræðsluefninu er kynnt. Í bréfinu er einnig bent á að öllu starfsfólki ber að láta einelti til sín taka, hvort sem það verður fyrir því eða vitni að því, og koma þeim upplýsingum til réttra aðila.


SMFR og SSR hafa í dag:
• Stefnu gegn einelti
• Verklagsreglu um hvernig skuli bregðast við ef einelti kemur upp.
• Teymi gegn einelti, sem starfa hvort á sinni stofnun, en hafa auk þess mikið samráð og samvinnu.
• Fræðsluefni sem er aðgengilegt öllum stjórnendum og þeim er gert að kynna fyrir starfsfólki sínu.
• Sent bréf til allra starfsmanna til að upplýsa þá um stefnu gegn einelti og fræðsluefnið.
• Spjöld sem dreift er á allar starfsstöðvar og leggja áherslu á að einelti, áreitni og niðurlægjandi framkoma er með öllu óviðunandi og alls ekki liðin á vinnustöðum SMFR og SSR.

Frétt af heimasíðu SMFR um kynningarfund um varnir og viðbrögð við einelti:
Í gær var haldinn á skrifstofu SMFR kynningarfundur um sameiginlegt átak svæðisskrifstofanna í Reykjavík (SSR) og á Reykjanesi (SMFR) gegn einelti meðal starfsfólks þeirra. Átakið lýtur bæði að forvörnum og viðbrögðum ef einelti á sér stað.

Teymi þriggja starfsmanna frá hvorri skrifstofu hefur unnið að þessu átaki frá árinu 2007 og m.a. sett saman fræðsluefni á glæruformi, sem forstöðumönnum allra starfsstöðva stofnananna er gert að kynna fyrir starfsmönnum sínum, og sent öllum starfsmönnum SSR og SMFR, alls um 1000 manns, bréf til þess að kynna átakið og vekja til vitundar um málefnið. Hvorir þremenninganna um sig mynda teymi gegn einelti innan sinnar stofnunar sem vinnur eftir sérstökum verklagsreglum.

Til fundarins var boðið fulltrúum frá Þroskaþjálfafélagi Íslands, Sjúkraliðafélagi Íslands, SFR, Fræðagarði (áður Útgarður), Félagi íslenskra félagsliða, Vinnueftirlitinu, starfsmannaskrifstofu fjármálaráðuneytisins og félags- og tryggingamálaráðuneytinu. Þátttaka var mjög góð. Fundargestir gerðu góðan róm að þessu framtaki og settu fram ýmsar vel þegnar ábendingar í frjóum umræðum eftir sjálfa kynninguna.

laugardagur 21 október 10 2017
Nýjustu fréttir
http://www.kolbrunbaldurs.is/ Á þessari síðu getur þú og...
Í tilefni alþjóðlegs geðheilbrigðisdags 10. október...
Umboðsmaður barna sendi á mánudaginn, 21. mars 2011, bréf til allra...

Könnunn

Er eineltisáćtlun ţíns skóla ađgengi-og sýnileg?
  • Nei